【㩒入黎開聲睇片有驚喜！】 話說，港女女友，成日係我面前講，元朗爽爽醉雞簡直係神級好食。咁我，就跟左港女女友，去元朗食過幾次。味，係唔錯，好食，夠味。但，每次去都要，等好耐。所以，我就自己研製左，Hinkifoodie 神級醉雞，等港女女友，可以，唔洗排咁耐隊，都可以，食到呢個味道。另外，仲做左個醉蛋點綴下。 材料： 雞 半隻 蛋 4隻 雞湯 600ml 花雕酒 800ml 話梅 4粒 杞子 20粒左右 鹽 2茶匙 黑糖 2茶匙 步驟： 1. 將雞湯、話梅同杞子以中火煮滾 2. 加入鹽、糖及花雕 3. 再煮滾多次後熄火放入雪櫃備用 4. 烚蛋（流心蛋4分30-5分15，糖心蛋5分15-6分鐘） 5. 撈起放入冰水 6. 把雞放入的熱水中封蓋 7. 煮至水滾熄火焗30分鐘（唔怕生就25分鐘都得） 8. 同時將雞蛋去殼並放入醉雞汁內 9. 雞焗好後再放入冰水浸5分鐘 10. 把急凍鳥(雞)放埋入醉雞汁內 11. 放入雪櫃浸最少4個鐘，最好浸過夜 12. 食得！以後唔洗排隊食醉雞。 -------------------------------------------------- #雞全部都係雞 #神雞配神歌 #hinkicook